擤鼻涕鼻水滴落地罰千五?網民:抵罰!

來源: on.cc
2017-11-27 13:35
Lights
近日天氣漸轉寒冷,不少人都會面對傷風感冒鼻敏感煩惱。但又有無諗過,流鼻水擤鼻涕有可能會令你荷包出血,一滴鼻水更隨時值千五蚊?近日有網民於Facebook群組「巴打絲打Facebook Club」發貼,指有朋友「滴咗滴鼻水落地」,隨即被食環署人員發告票檢控,更被罰款一千五百元。貼文惹起網民熱議!該貼文更附上一張定額罰款的告票圖片,圖中可見於「棄置廢物的種類」一欄上寫有「擤鼻涕」。網民對貼文反應兩極,有人質疑被罰款者並非貼文所指的「滴鼻水」,而是將鼻水擤落地上,斥其缺乏公德心;有人亦認同食環署人員做法,指其「抵罰」!反之,有網民留言力撐發貼者,指食環署人員做法無理,質疑「下次放屁或滴眼淚都入罪」。對於這場「鼻涕風波」,你又點睇呢?東網記者正就事件向食環署查詢,暫時未有回覆。---------------《港呢啲》:大事小事騎呢事,東網電視嚴謹選題,輕鬆製作!